Էմինեմը ծնվել է որպես Մարշալ Բրյուս Մատտերս Գ, 1972 թվականի հոկտեմբերի 17-ին ԱՄՆ-ի Միսսուրի նահանգի Սենտ Ժոզեֆ քաղաքում։ Նա եղել է միակ զավակը իր ընտանիքում։ Նա շոտլանդական, անգլիական, գերմանական, շվեյցարական, լեհական և գուցե լյուքսեմբուրգյան ծագում ունի։ Նրա հայրը լքել է ընտանիքը, երբ Էմինեմը 18 ամսական է եղել, և նա մեծացել է բացառապես մոր հետ, չքավորության մեջ։ 12 տարեկանում նա և մայրը տեղաշարժվել են մի քանի տարբեր քաղաքներ, մինչև հաստատվել են Միչիգան նահանգի Ուորրեն քաղաքում, որըԴետրոյթի արվարձան է։ Էմինեմը հետաքրքրված էր Հիպ Հոպ-ով և 14 տարեկանում միացավ Bassmint Productions կոչվող խմբին և նրանք թողարկեցին առաջին երգը - Steppin' Onto The Scene։ Հետո նրանք փոխեցին իրենց անունը Soul Intent-ին և 1995 նրանք թողարկեցին իրենցFuckin' Backstabber կոչվող առաջին սինգլը։ 17 տարեկանում նա դուրս շպրտվեց դպրոցից։