Միկրոբլոգների Twitter ծառայությունում հրապարակումների օրական ծավալը հասել է 500 միլիոնի: Այդ մասին Internet Advertising Bureau Engage կոնֆերանսում տեղեկացրել է Twitter-ի գործադիր տնօրեն Դիք Կոստոլոն (Dick Costolo): Դա նշանակում է, որ Twitter-ում ամեն վայրկյան 8 հազ. գրառում է կատարվում, գրում է CNews-ը: Դիք Կոստոլոյի խոսքով` ներկայումս Twitter-ը 140 մլն ակտիվ օգտվող ունի: Վերջին անգամ` 2012թ. հունիսին, ընկերությունը պաշտոնապես հայտարարել էր 400 միլիոնի հասնելու մասին:
Բրիտանացի դեռահասը iPhone-ի նոր` «Summly» հավելվածի մշակման համար 965 հազար դոլար է ստանալու: 17-ամյա Նիկ դ` Ալոիզիոյի մշակած հավելվածը սմարթֆոնների տերերին թույլ է տալիս նորությունների մեծ ծավալի տեքստերից «քամել» կարեւորը: Հավելվածի բացառիկությունը կայանում է նրանում, որ հիմա մեծ նյութերը կրճատվելու են մինչեւ 400 նիշը: Ուշագրավ է, որ արդեն համակարգչային հանճար հռչակված դ` Ալոիզիոյի հովանավորների շարքում կան նաեւ հայտնի անձինք` Ջոն Լենոնի այրին` Յոկո Օնոն, ինչպես նաեւ հայտնի գրող Սթիվեն Ֆրայը:
Եթե պատրաստում եք ինտերնետ կայքեր, ապա այդ կայքերի հաջողության ամենակարևոր նախապայմաններից մեկը արագ բեռնավորումն է: Իհարկե կան բազմաթիվ գեղեցիկ ու օգտակար հավելվածներ, որոնք կարող եք տեղադրել կայքում, սակայն պետք է հաշվի առնեք, որ դրանցից յուրաքանչյուրը շատացնում է կայքի բեռնավորման ժամանակը: Կայքերի արագությունները չափելու համար գոյություն ունեն բազմաթիվ գործիքներ, սակայն այսօր ուզում եմ անդրադառնալ Pingdom գործիքին, որը գրաֆիկորեն պատկերում է կայքում տեղ գտած ցանկացած էլեմենտի բեռնավորման ժամանակը և չափսը:
